"Ríkisstjórnin er að fara í kosningabaráttu“

Björn Valur Gíslason, formaður þingflokks VG, segir ábyrgð minnihlutans mikla þar sem hann hefði komið í veg fyrir að Alþingi gæti tekið afstöðu til mikilvægra mála á vorþingi.

Sem dæmi nefndi hann mál eins og frumvarp til laga um náttúruvernd og utanvegaakstur, frumvarp til laga um innheimtulög, frumvarp um nauðungasölu, frumvarp um rýmkun gjaldeyrishafta, frumvarp um framhaldsskóla o.fl.

Þingmenn stjórnarandstöðunnar þvertóku fyrir, í umræðu um störf þingsins í morgun, að þeir héldu Alþingi í gíslingu. Ragnheiður E. Árnadóttir, þingmaður Sjálfstæðisflokks, sagði hlutverk minnihluta á þingi vera að standa vörð um hagsmuni þjóðarinnar. Hún sakaði ríkisstjórnina um að leggja ekki áherslu á þau mál sem væru brýnust heldur þau sem skiptir stjórnina pólitísku máli.

„Ríkisstjórnin er að fara í kosningabaráttu," sagði Ragnheiður og sagði það vera ástæðuna fyrir deilunum á Alþingi.

Rætt var um störf þingsins á Alþingi í morgun.