Innlent

Fara með þyrlu að skoða tökustaði

Framleiðendur kvikmyndarinnar Oblivion eru nú á leið í þyrluflug til þess að skoða væntanlega tökustaði en tökur á henni hefjast norðan heiða á næstu dögum. Stórstjarnan Tom Cruise kom til landsins með einkaþotu fyrr í dag og dvelst nú á Hilton Reykjavík Nordica hótelinu á Suðurlandsbraut. Samkvæmt heimildum mun hann síðan dvelja í glæsihýsinu Hrafnabjörgum á Vaðlaheiði ásamt fjölskyldu sinni á meðan á tökum stendur. Cruise mun fagna merkum áfanga á meðan hann dvelst hér á landi en hann verður fimmtugur þann 3. júlí næstkomandi.


Tengdar fréttir

Tom Cruise lenti á Reykjavíkurflugvelli fyrir stundu

Kvikmyndastjarnan Tom Cruise lenti nú fyrir stundu í einkaþotu á Reykjavíkurflugvelli. Með í för er nokkurt fylgdarlið og fóru allir um borð í bílalest og óku rakleitt á brott. Í gær bárust fregnir af því að stjarnan væri komin til landsins og væri á Hilton Reykjavík Nordica. Þær fréttir virðast ekki hafa verið á rökum reistar.

Cruise ætlar í gönguferð á afmælisdaginn

Hollywood stórstjarnan Tom Cruise sem nú dvelur á Íslandi við tökur, ætlar í gönguferð á afmælisdaginn sinn. Þetta kemur fram í viðtali við kappann sem birtist í tímaritinu People í dag. Þar ræðir hann um lífið og tilveruna og hvernig það sé að þurfa að vinna á afmælisdaginn, en Cruise verður fimmtugur þann þriðja júlí næstkomandi.

Mest lesið


Fleiri fréttir

Sjá meira


×

Mest lesið