Vonsvikin með umboðsmann

Ástæða er til að endurskoða og endurskipuleggja starf umboðsmanns skuldara vegna þess hversu hægt fólki gengur að fá úrlausn sinna mála hjá embættinu. Þetta sagði Jóhanna Sigurðardóttir forsætisráðherra á Alþingi í gær.

Jóhanna sagði að miklu fé hefði verið varið í embættið og að þar starfaði mikill mannskapur. „Ég verð að segja eins og er að það hefur valdið mér nokkrum vonbrigðum hve hægt og seint gengur að klára mál á þeim vettvangi," sagði Jóhanna í svari við fyrirspurn Bjarna Benediktssonar. Þá hefði það enn fremur valdið henni miklum vonbrigðum að greiðsluaðlögun hefði ekki skilað sér hraðar til fólks. - sh