Stærsta auga jarðar

Stjörnustöð Evrópulanda á suðurhveli (ESO) mun byggja stærsta stjörnusjónauka jarðar á tindi Cerro Armazones-fjallsins í norðurhluta Síle, skammt frá Paranal stjörnustöð ESO, eins og fram kemur á stjörnufræðivefnum.

European Extremely Large Telescope (E-ELT), einnig kallaður stærsta auga jarðar, verður tekinn í notkun snemma á næsta áratug, gangi vonir manna eftir. E-ELT mun hafa 39,2 metra samsettan safnspegil en kostnaðurinn er áætlaður 1.100 milljónir evra (á verðlagi ársins).

„E-ELT mun halda ESO í leiðandi stöðu í stjarnvísindum næstu áratugi og leiða til ríkulegrar og spennandi vísindauppskeru,“ sagði Xavier Barcons, forseti ESO-ráðsins um verkefnið.- shá