Kvartað undan öryggisvörðum Tom Cruise

Íslenskir öryggisverðir virðast fara offari í grennd við íverustað leikarans Toms Cruise að Hrafnabjörgum við Eyjafjörð, samkvæmt viðtölum DV við nokkra íbúa í grenndinni.

Þeir hafa meðal annars vísað heimamönnum af þjóðleiðum, sem eiga að vera öllum opnar og virðast hafa tekið sér einskonar lögregluvald, af ummælum viðmælenda blaðsins að dæma.

Ómar Örn Jónsson markaðsstjóri Öryggismiðstöðvarinnar, sem sér um gæsluna, segir í viðtali við blaðið að þeir geti beint þeim tilmælum til fólks að vera ekki á ferðinni á tilteknum stöðum, en fólk verði svo sjálft að ákveða hvort það fer að þeim eða ekki.