Andrea fékk þyngsta dóminn

Andrea Unnarsdóttir fékk þyngsta dóminn af þeim sem voru ákærðir fyrir árás á konu á höfuðborgarsvæðinu skömmu fyrir jól. Þetta er fullyrt á fréttavef DV, en heimildir Vísis herma það sama. Dómurinn, sem mun vera um 120 blaðsíður, hefur ekki verið birtur á vef dómstólanna. Það var Héraðsdómur Reykjaness sem kvað dóminn upp í dag.

Jón Ólafsson, sem er kærasti Andreu, fékk fjögurra ára dóm og Elías Jónsson fékk einnig fjögurra ára dóm og Óttar Gunnarsson var dæmdur í tveggja og hálfs árs fangelsi. Einar Marteinsson, fyrrverandi forseti Vítisengla, var sýknaður og sjötti maður var einnig sýknaður.

Einar Marteinsson íhugar að höfða skaðabótamál á hendur ríkinu, en hann sat í gæsluvarðhaldi í rúma sex mánuði.