Sængaði hjá heilu auglýsingaskilti

Breska leikkonan Minnie Driver segist elska að búa í Californiu. Það fari þó í taugarnar á henni að hvert sem hún fari sé hún minnt á mistök sín eða það sem hún hefur misst af.

Hún segir erfitt að þurfa stöðugt að ganga framhjá stórum auglýsingaskiltum með myndum sem hún fékk ekki hlutverk í, eða með fyrrum kærustum sínum.

Eitt vandræðalegasta, en jafnframt fyndnasta atvik sem hún hefur lent í segir hún hafa verið fyrir ekki svo löngu síðan þegar hún gekk framhjá slíku auglýsingaskilti og áttaði sig á því að hún hefði sængað með öllum karlkyns leikurunum sem voru þar saman komnir.