Nokkur þúsund manns á Austurvelli - bein útsending á Vísi

Áætlað er að nokkur þúsund manns séu komnir saman á Austurvelli þar sem samstöðufundur útgerðarmanna og sjómanna hefst á slaginu fjögur. Fulltrúar útvegsmanna, sjómanna og sveitastjórna á landsbyggðinni munu tala á fundinum. Smelltu á hnappinn horfa á myndskeið með frétt til að sjá útsendinguna.

Eins og fram kom á Vísi fyrr í dag hefur Alþingishúsið verið girt af og áhorfendapöllum lokað á meðan fundurinn fer fram. Það eru hefðbundnar varúðarráðstafanir, að sögn Helga Bernódussonar, skrifstofustjóra Alþingis.