Innlent

Ögmundur sló í gegn

Magnús Birgisson golfkennari gaf nýgræðingnum Ögmundi fyrstu einkunn.
Magnús Birgisson golfkennari gaf nýgræðingnum Ögmundi fyrstu einkunn. Mynd/Hugrún
Ögmundur Jónasson innanríkisráðherra fékk fyrstu einkunn frá Magnúsi Birgissyni golfkennara þegar hann sló sitt fyrsta högg með golfkylfu fyrr í dag.

Ögmundur setti sig þar í spor þeirra golfara sem ætla í næstu viku að klára það ótrúlega verkefni að leika golfbolta meðfram þjóðvegi 1 hringinn í kringum landið.

Kiwanisklúbburinn Eldey stendur að verkefninu í samvinnu við Kiwanishreyfinguna og UNICEF á Íslandi. Ætlunin er að safna áheitum á slegin högg, sem áætluð eru að hámarki 9.500 talsins. Framlögin verða síðan notuð til að berjastgegn stífkrampa meðal barna í 34 fátækustu og afskekktusu ríkjum heimsins og sömuleiðis bæta aðbúnað á sambýlum fatlaðra víðsvegar um landið.

Golfararnir munu slá hringinn í kringum landið dagana 18. júní til 2. júlí. Leiðin telur 1.380 kílómetra og samsvarar það því að leika um 300 golfhringi.

Hægt er að fá nánari upplýsingar um verkefnið og hvernig á að heita á golfarana á isgolf.is. Þá verður fylgst með hringferðinni Í bítinu og þætti Sigga Hlö á Bylgjunni.

Í fréttum Stöðvar 2 í kvöld má síðan sjá myndskeið af því þegar Ögmundur sló í gegn í dag.

Mest lesið


Fleiri fréttir

Sjá meira


×

Mest lesið