Björgvin setur ÓL treyjuna á uppboð til styrktar Bjarka

Björgvin Páll Gústavsson, landsliðsmarkvörður í handknattleik, ætlar að bjóða upp landsliðstreyjuna sem hann lék í á ólympíuleikunum í London s.l. sumar. Björgvin, sem leikur með Magdeburg í Þýskalandi, ætlar með þeim hætti að styðja við bakið á knattspyrnumanninum Bjarka Má Sigvaldasyni úr HK sem nýverið greindist með krabbamein.

Björgvin skrifar eftirfarandi texta á fésbókarsíðu sína:

„Eins og margir vita þá er hinn mikli HK-ingur og félagi Bjarki Már Sigvaldasson að berjast við erfið veikindi og þarf á ykkar stuðning að halda. Ég hef ákveðið að hefja uppboð á landsiðstreyjunni minni frá Ólympíuleiknum í sumar og sá með bíður hæst eignast treyjuna og mun sú upphæð renna til Bjarka en framundan hjá honum eru kostnaðarsamar meðferðir. Þið sem viljið bjóða í treyjuna megið endilega senda mér skilaboð á Facebook (á mína persónulegu síðu eða á FAN-síðuna mína) um hversu háa upphæð þið eruð tilbúinn að láta af hendi. Vil einnig minna á styrktarreikning Bjarka sem að vinir hans í meistaraflokknum stofnuðu : 536-14-400171, kt. 630981-0269. Þið megið endilega deila þessari mynd til þess að vekja enn meiri athygli á málefninu."