Fjölmargir tóku mark á viðvörunum vegna óveðurs

Fjölmargir íbúar suðvestanlands tóku mark á viðvörun Almannavarna um hvassviðri, og óku börnum sínum í skólana í morgun. Björgunarsveitir hafa verið kallaðar út á nokkrum stöðum en hvergi hafa orðið slys eða stórtjón.

Björgunarsveitir voru kallaðar út í Grindavík, Vestmannaeyjum og á Suðurnesjum, allstaðar til að hefta fok, en vindstrengurinn var hvað sterkastur við Suðruströndina og á Suðurnesjum í morgun og alveg framundir hádegi. Allt innanlandsflug hefur legið niðri en verið er að kanna stöðuna núna. Millilandaflugið gekk snurðulaust í morgun þrátt fyrir hvassviðri á Kefalvíkurflugvelli.

Báðum morgunferðum Herjólfs var aflýst og lítil umferð hefur verið á þjóðvegum, þótt þeir séu nær allir færir. Hvað og hverju á að fara að lægja suðvestanlands, en þá bætir í vind norðan- og austanlands með slyddu eða rigningu, og stór- rigningu á suðausturlandi undir kvöldið, en svo fer allstaðar að lægja í nótt.