Nýjasta bók Yrsu kemur út í kvöld

Í tilefni forsölunnar verða aðrar bækur Yrsu, bæði rafbækur og hljóðbækur, á 990 króna tilboði hjá eBókum. Aðstandendur síðunnar segja að slíkar forsölur á eBókum hafi heppnast með ágætum að undanförnu.

Vefsíðan eBækur.is fóru í loftið 4. október. Þar fást helstu rafbækur sem gefnar hafa verið út á íslensku auk hundruða þúsunda erlendra bókatitla. Bæði er um rafbækur og hljóðbækur að ræða. Aðstandendur viðtökurnar frábærar og að íslenskir lesendur séu greinilega tilbúnir fyrir rafbókabyltinguna.

Ætla má að Kuldi komi til með að vekja með lesendum hroll, líkt og fyrri sögur Yrsu. Lögmaðurinn Þóra er fjarri góðu gamni eins og í draugasögunni Ég man þig, sem kom út fyrir tveimur árum og hefur hlotið frábærar viðtökur víðs vegar um heim. Kuldi fjallar um ungan mann sem fer að rannsaka upptökuheimili frá áttunda áratugnum og taka þá undarlegir atburðir að skekja tilveru hans og dóttur hans.