"Það sást til hans ganga í sjóinn“

Slökkvilið og kafarar náðu manni úr sjónum við Fossvog, Kópavogsmegin. Maðurinn virtist  vera ómeiddur en hann var fluttur á slysadeild.

„Það sást til hans ganga í sjóinn," sagði varðstjóri Slökkviliðsins í samtali við Vísi. „Tilkynning barst laust eftir klukkan tíu í kvöld og við komum manninum til bjargar 20 mínútum seinna."

Kafarar og bátur aðstoðuðu við leitina. Slæmt veður var á svæðinu, rigning og rok. Þá reyndist erfitt að leita að manninum í myrkrinu.

„Við misstum sjónar af manninum á einu tímapunkti en fundum hann svo."

Maðurinn hefur nú verið fluttur á slysadeild, ekki hafa fengist upplýsingar um líðan hans

Hann gekk þó af sjálfsdáðum um borð í sjúkrabílinn að sögn varðstjóra.