Tæplega 1200 fíkniefnabrot á þessu ári

Fíkniefnamálum hefur fjölgað á síðustu tveimur árum og sömu sögu eru að segja um brot vegna ölvunaraksturs. Þetta kemur fram í bráðabirgðatölum ríkislögreglustjóra um afbrotatíðni fyrir mánuðina janúar til júlí. Það sem af er þessu ári hafa tæplega 1200 fíkniefnabrot verið skráð hjá ríkislögreglustjóra miðað við rúmlega 900 á sama tíma og árið 2010.

Þjófnaðarbrot og innbrot voru færri í ár en síðustu tvö ár. Athygli vekur að töluvert færri hraðakstursbrot eru skráð hjá lögreglu í ár en á sama tíma árið 2010, eða 20 þúsund samanborið við 25 þúsund fyrir tveimur árum.

Í fyrra voru hraðakstursbrotin þó fæst, eða 18 þúsund. Skráð hegningarlagabrot voru 965 í júlí síðastliðinn eða um 200 færri en í fyrra.

Hægt er að nálgast afbrotatíðnina hér.