Kostnaður við Flikk Flakk nemur 32 milljónum

Kostnaður Vestmannaeyjabæjar og Hafnar í Hornafirði vegna gerðar þáttanna Flikk flakk, sem Ríksútvarpið gerði í bæjarfélögunum í sumar, nemur samtals 32 milljónum króna.

Eins og við greindum frá í gær varð kostnaðurinn á Höfn um 14 milljónir en átti upphaflega að vera aðeins þrjár milljónir.

Þá greina Eyjafréttir frá því að kostnaðurinn í Eyjum hafi numið 18 milljónum, en ekki er greint frá hvað kostnaðurinn var áætlaður í upphafi.

Bæjarstjórinn í Eyjum segir að hvort sem er hafi staðið til að ráðast í margar framkvæmdir , sem ráðist var í fyrir þáttinn, og bæjarstjórinn á Höfn segir að margt af því sem gert var vegna þáttarins, muni nýtast bænum áfram.