Innbrotahrina á höfuðborgarsvæðinu

Hrina innbrota virðist hafa riðið yfir höfuðborgarsvæðið í nótt, en tilkynning um þau barst lögreglunni á höfuðborgarsvæðinu um áttaleytið í morgun. Brotist var inn í tvær rútur í Kópavogi en ekki er vitað hvort eða þá hverju var stolið. Þá er ekki vitað um skemmdir á rútunni.

Í Grafarvogi var brotist inn í vinnuskúr hjá Vinnuskólanum og unnar skemmdir á honum. Búið var að sprauta úr slökkvitækjum, sparka í gegnum hurð og rusla til. Þá var brotist inn á heimili í Austurborginni þar sem fjármunum og fatnaði var stolið. Engin hefur verið handtekinn vegna þessa að svo stöddu og eru málin í rannsókn.

Upp úr klukkan tíu í morgun var svo tilkynnt um innbrot í bifreið í Hafnarfirði. Þá var tilkynnt um skemmdarverk í Víðistaðaskóla.