Seldu 113 reiðhjól

Hundrað og þrettán hjól seldust á reiðhjólauppboði lögreglunnar á höfuðborgarsvæðinu sem fór fram á laugardaginn. Barnahjólin seldust frá þúsund krónum og upp í fimmtán þúsund en fullorðinshjólin seldust á bilinu sex þúsund og upp í sextíu þúsund, samkvæmt upplýsingum frá lögreglu.

Tilkynnt var um á sjöunda hundrað stolin reiðhjól á síðasta ári. Aðeins hluti þeirra berst til óskilamunadeildar, jafnvel mánuðum eftir að þeim er stolið. Lögreglan hvetur fólk til að skrá hjá sér raðnúmer reiðhjóla sinna til að auðvelda leit ef þeim er stolið.

Ágóðinn af sölunni fer í sérstakan lögreglusjóð en stjórn hans veitir peningum úr sjóðnum í allskyns verkefni. Til dæmis má nefna sjúkra- og Styrktarsjóð Landssambands lögreglumanna og Líknarsjóð Landssambands lögreglumannaþ