Sækja slasaðan ferðamann að Glym

Erlendur ferðamaður slasaðist á gönguleiðinni að Glymi í Hvalfirði fyrr í dag og eru björgunarsveitir af höfuðborgarsvæðinu og Vesturlandi að sækja hann. Um 20 björgunarsveitamenn eru nú á staðnum eða rétt ókomnir þangað. Maðurinn hugðist ganga upp með fossinum en féll við þegar hann var kominn nokkuð ofarlega og er talið að hann sé ökklabrotinn.

Staðsetning mannsins er ekki góð þar sem hann var kominn yfir brattasta hluta leiðarinnar þegar hann datt og því ljóst að burður niður á flatlendi verður honum afar erfiður. Því er verið að kalla út þyrlu Landhelgisgæslunnar til að flytja hann á sjúkrahús.