Þakklátur að löggan stoppaði mig

„Ég taldi að áfengið væri runnið úr mér. Ég mátti vita betur - það var rangt hjá mér að taka þá afstöðu," segir Höskuldur Þórhallsson, þingmaður Framsóknarflokksins, sem var tekinn á dögunum ölvaður undir stýri. Hann missir bílprófið í 8 mánuði.

Í samtali við þáttinn Reykjavík síðdegis segir Höskuldur að ökumenn eigi aldrei að keyra undir áhrifum. „Þetta var dómgreindarleysi og mistök. Þetta er eitthvað sem menn eiga ekki að gera undir neinum kringumstæðum. Ég er þakklátur að lögreglan stöðvaði mig, og sem betur fer gerðist það eftir að ég hafði keyrt stutta vegalengd," segir hann.

Hægt er að hlusta á viðtalið við Höskuld hér að ofan.