Aukin framlög til NATO

Íslendingar juku við framlög sín til Atlantshafsbandalagsins, NATO, í kjölfar þess að varnarsvæðinu á Suðurnesjum var lokað árið 2006. Þá ákvað ríkisstjórn Sjálfstæðisflokks og Framsóknarflokks að Ísland gerðist aðili að mannvirkjasjóði NATO.

Frá þessu er greint í DV í dag en þetta kemur fram í svari utanríkisráðuneytisins við fyrirspurn blaðsins vegna framlaga Íslands til bandalagsins.

Stærstur hluti framlags Íslands í sjóði NATO renna í svokallaðan hermálasjóð, eða 48 prósent af heildarframlagi ríkisins. Þeir peningar sem fara í þann sjóð eru notaðir til rekstrar fastra herstjórna bandalagsins, stjórnstöðva fyrir aðgerðir, ratsjárvéla bandalagsins, ratsjár og fjarskipta og herstjórnartengdra stofnana sem víða er að finna í aðildarríkjum NATO.