Býst við að fjórðungur lögmanna muni kjósa nýjan formann

Töluverð spenna ríkir á meðal lögmanna því nýr formaður Lögmannafélags Íslands verður kosin á aðalfundi í kvöld. Í framboði eru tveir félagar, þau Jónas Þór Guðmundsson, sem er núverandi varaformaður, og Eva Bryndís Helgadóttir lögmaður á Mandat lögmannsstofu. Brynjar Níelsson, formaður félagsins, hefur setið í tvö ár en ætlar ekki að gefa kost á sér áfram.

Brynjar segir að á bilinu 8-900 manns hafi atkvæðarétt en býst við að um 200 manns muni kjósa. „Við þurfum að gera breytingar á þessu og gera kosningarnar rafrænar," segir Brynjar í samtali við Vísi. Brynjar segir þetta sérstaklega mikilvægt í ljósi þess að lögmenn séu skyldaðir til þess að eiga aðild að Lögmannafélaginu.