Ofbeldismennirnir kröfðust hundruð þúsunda af fórnarlömbunum

Upphæðirnar sem Annþór Kristján Karlsson, Börkur Birgisson og félagar þeirra kröfðust af mönnunum sem þeir höfðu í hótunum við og lömdu námu hundruðum þúsunda króna. Þetta kemur fram í ákæru yfir mönnunum sem Vísir hefur undir höndum.

Þann 15. desember síðastliðinn fóru þeir í heimahús í Grafarvogi þar sem þeir réðust að þremur mönnum og neyddu einn þeirra til að pissa á annan. Þar kröfðust þeir 500 þúsund króna af einum manninum og 200 þúsund króna af hinum.

Þann 12. október 2011 réðust þeir svo á tvo menn á Sólbaðsstofu í Hafnarfirði. Þeir kröfðust 500 þúsund króna af mönnunum, hvorum fyrir sig, Þeir hótuðu þeim jafnframt frekara ofbeldi ef þeir segðu frá.