Hæstiréttur sýknar Fylki

Hæstiréttur sýknaði í dag Íþróttafélagið Fylkir af kröfum Sveins Rafns Eiðssonar en hann slasaðist alvarlega þegar hann stökk yfir vegg við Fylkisheimilið í september árið 2005. Sveinn féll 3.8 metra og lenti á steinsteyptri stétt hinum megin við vegginn.

Sveinn fór í hjartastopp við fallið og þurftu sjúkraflutningamenn að gefa honum raflost. Þá slasaðist hann einnig mikið á baki og hnakka. Samkvæmt niðurstöðu Héraðsdóms Reykjavíkur var íþróttafélaginu gert að greiða þrjá fjórðu af tjóni Sveins eða rúmlega 1.1 milljón króna.

Fylkir áfrýjaði málinu til Hæstaréttar og snérist meginágreiningur aðila um ætlaða eigin sök Sveins. Í lögregluskýrslu sem tekin var af Sveini eftir atvikið viðkenndi hann að hafa verið undir áhrifum áfengis þegar atvikið átti sér stað.

Þá telur Hæstiréttur að Sveinn hafi sýnt af sér verulegt gáleysi þegar hann tók þá hvatvísu ákvörðun að hlaupa í áttina að Fylkisheimilinu og stökkva yfir vegginn án þess að aðgæta hvernig hvernig aðstæður voru handan veggjarins.

Þá var þótti rétt að Sveinn yrði látinn greiða fjórðung tjóns síns sjálfur.

Málskostnaður í héraði og í Hæstarétti var felldur niður í málinu en það var ein af kröfum íþróttafélagsins.