Fundu fíkniefni á farþega

Lögreglan á Akranesi stöðvaði í gærkvöldi bifreið sem var á ferð við bæinn. Þrír menn reyndust vera í bifreiðinni og þekktu lögreglumenn annan farþegann sem margsinnis hefur verið handtekinn sökum fíkniefnamisferlis.

Lögreglan ákvað því að kanna málið betur og leita á mönnunum og í bifreiðinni. Við leitina í fundust svo um það bil 50 grömm af marijúana og um það bil 14 grömm af amfetamíni. Einnig fundust lyf og lyfseðill sem stílaður var á annan en handhafa lyfsins. Áðurnefndur farþegi viðurkenndi við yfirheyrslur að eiga efnin.