Framhaldið af Hungurleikunum komið út á íslensku

Slökkviliðsbíll var til taks þegar bóksalar sóttu framhald Hungurleikanna, Eldar kvikna, á lager Forlagsins við Fiskislóð í dag, í stað þess að bíða eftir að bókin færi í almenna dreifingu. Viðlíka áhuga bóksala hefur ekki orðið vart síðan Rannsóknarskýsla Alþingis kom út.

Ljóst er að bókaþyrst ungmenni bíða spennt eftir bókinni Eldar kvikna sem átti að koma út í haust, en vegna þrýstings frá bóksölum var útgáfu hennar á Íslandi flýtt.

Hægt er að sjá myndband frá deginum í dag hér að ofan.

Hungurleikarnir er ein vinsælasta bók síðari ára og hafa margir þegar lesið framhaldið af henni á ensku. Nú er hins vegar hægt að fá aðra bókina í þríleiknum á íslensku.