Meintur flassari handtekinn - beraði sig fyrir utan grunnskóla

Lögreglan á höfuðborgarsvæðinu fékk tilkynningu um mann sem fletti sig klæðum fyrir framan börn fyrir utan Breiðagerðisskóla skömmu fyrir klukkan eitt í dag. Samkvæmt lögreglunni gat tilkynnandi gefið lýsingu á þessum manni sem og bifreiðinni sem hann var á.

Skömmu seinna var bifreið stöðvuð í Skeifunni og er ökumaður hennar grunaður um athæfi þetta. Auk þessa er hann grunaður um ölvun við akstur.

Þá var einnig tilkynnt um reiðhjólaslys á Miklubraut við Skeiðarvogsbrúnna. Þar hafði 6 ára gamall drengur dottið á reiðhjóli sínu og var fluttur á slysadeild. Lögreglan var einnig kölluð í Kringluna vegna búðarþjófnaðar um hádegisbilið í dag.