Körfubolti

Jón Ólafur vann þriggja stiga keppnina | Snæfellingar sigursælir

Óskar Ófeigur Jónsson skrifar
Jón Ólafur Jónsson með verðlaun sín ásamt Hannesi S. Jónssyni, formanni KKÍ.
Jón Ólafur Jónsson með verðlaun sín ásamt Hannesi S. Jónssyni, formanni KKÍ. Mynd/Heimasíða KKÍ
Snæfellingar eru sigursælir á Stjörnuhátíð KKÍ því Jón Ólafur Jónsson varð þriggja stiga meistarinn eftir nauman sigur á liðsfélaga sínum í þriggja stiga keppninni sem fram fór í hálfleik á Stjörnuleik KKÍ. Þetta kemur fram á heimasíðu KKÍ.

Snæfellingar áttu einnig troðslumeistarann en Quincy Hankins-Cole vann troðslukeppnina fyrr í dag.

Átta leikmenn tóku þátt í þriggja stiga skotkeppninni að þessu sinni og komust fjórir þeirra í úrslit. Í úrslitum voru þeir Jón Ólafur, Pálmi Freyr Sigurgeirsson úr Snæfelli, Darrin Govens úr Þór Þorlákshöfn og J´Nathan Bullock úr Grindavík.

Jón Ólafur fékk einu stigi meira en Pálmi og tryggði sér sigurinn en það gekk ekki eins vel hjá þeim Darrin Govens og J´Nathan Bullock. Jón Ólafur hafði einnig verið stigahæstur í forkeppninni og var því sjóðheitur í allan dag.

Forkeppni þriggja stiga keppninnar:

Jón Ólafur Jónsson Snæfell 15 stig

J´Nathan Bullock Grindavík 14 stig

Pálmi Sigurgeirsson Snæfell 13 stig

Darrin Govens Þór Þ. 12 stig

Justin Shouse Stjarnan 11 stig

Giordan Watson Grindavík 10 stig

Ólafur Helgi Jónsson Njarðvík 9 stig

James Bartolotta 8 stig

Úrslit þriggja stiga keppninnar:

Jón Ólafur Jónsson 13 stig

Pálmi Sigurgeirsson 12 stig

Darrini Govens 8 stig

J´Nathan Bullock 7 stig




Fleiri fréttir

Sjá meira


×