Hannes Bjarnason gagnrýnir auglýsingar frambjóðenda

Hannes Bjarnason forsetaframbjóðandi gagnrýnir auglýsingar meðframbjóðenda sinna í tölvupósti sem hann sendi fjölmiðlum í dag. Hann segir það ekki vera gott fordæmi að eyða peningum í auglýsingar fyrir framboð sitt á meðan ástandið sé bagalegt hjá mörgum heimilum í landinu og fólk, sem á vart til hnífs og skeiðar, berjist í bökkum.

„Við sem erum í framboði til forseta Íslands eigum að sýna gott fordæmi í hvívetna. Ekki minnst þegar á brattann sækir og örvænting getur gripið um sig. Þið munið ekki sjá auglýsingar fyrir framboð okkar. Munið það í hvert skipti þegar þið takið eftir auglýsingum frá keppinautum okkar," segir Hannes.