Lady Gaga kemur til Íslands í næstu viku

Stórstjarnan Lady Gaga mun koma hinga til Íslands og taka á móti LennonOno friðarverðlaunum á þriðjudaginn í næstu viku.

Auk Lady Gaga mun rússneska pönksveitin Pussy Riot einnig fá verðlaunin sem og Rachel Corrie, Christopher Hitchens, og John Perkins. Meðal annars kemur eiginmaður eins af liðsmönnum Pussy Riot til þess að taka á móti verðlaununum fyrir hljómsveitina.

Samkvæmt heimildum Vísis mun Lady Gaga koma hingað til lands og taka sjálf á móti verðlaununum á þriðjudaginn næstkomandi auk þess sem hún mun veita viðtöku rausnarlegri upphæð sem verðlaununum fylgja. Það verður Yoko Ono sem afhendir verðlaunin ásamt borgarstjóra Reykjavíkur, Jóni Gnarr.

Gaga mun gefa peninginn í AIDS sjóð á vegum tónlistarmannsins Elton John.