Norðmenn íhuga harðar aðgerðir vegna makríldeilunnar

Norsk stjórnvöld íhuga harðar aðgerðir gegn Íslendingum og Færeyingum vegna makríldeilunnar, að því er Fiskifréttir greina frá.

Ráðuneytisstjóri í norska sjávarútvegsráðuneytinu sagði á ráðstefnu nýverið að til greina kæmi að segja upp samningi um veiðar Íslendinga í Smugunni, banna allar veiðar Íslendinga og Færeyinga í norskri lögsögu og að banna allan innflutning á marílafurðum frá löndunum tveimur.

Þetta eru tvíeggjaðar hótanir því Noðrmenn hafa veiðiheimildir í lögsögum beggja ríkjanna, sem þá myndu sjálfsagt falla niður, og norskt fiskeldi þarf mjöl og lýsi sem til fellur úr þeim hluta makrílsins sem bræddur er á Íslandi og í Færeyjum.