Rekstrarniðurstaða neikvæð um rétt rúman milljarð

Óendurskoðaður árshlutareikningur A- hluta Reykjavíkurborgar fyrir tímabilið janúar - mars 2012 var lagður fram í borgarráði í gær. Til A hluta telst starfsemi sem að hluta eða öllu leyti er fjármögnuð með skatttekjum. Um er að ræða aðalsjóð, þ.e. rekstur fagsviða, og eignasjóð.

Í fjárhagsáætlun A- hluta fyrir tímabilið janúar - mars 2012 var gert ráð fyrir að niðurstaða fyrir fjármagnsliði yrði neikvæð um 861 milljón króna en samkvæmt fyrirliggjandi uppgjöri er niðurstaða neikvæð um 405 milljónir, sem er þó 456 milljónum betri niðurstaða en áætlað var.

Rekstrarniðurstaða tímabilsins reyndist neikvæð um 1.081 mkr en í fjárhagsáætlun var gert ráð fyrir 1.117

milljón króna halla.

Þannig var niðurstaðan 36 milljónum betri en gert var ráð fyrir í fjárhagsáætlun ársins.