Segir jafnréttismál í ólestri

Þorgerður Katrín Gunnarsdóttir, þingmaður Sjálfstæðisflokksins, segir ríkisstjórnina ekki hafa staðið við gefin fyrirheit í jafnréttismálum, þrátt fyrir að hafa sett þau í öndvegi.

Þorgerður benti á að aldrei hafi færri karlar tekið fæðingarorlof en nú, kynbundinn launamunur fari vaxandi, hlutfall kvenna í áhrifastöðum fyrirtækja hafi ekkert breyst, jafnréttisvottun fyrirtækja hafi setið á hakanum, konur séu í miklum meirihluta þeirra sem sagt hafi verið upp hjá ríkinu og Jóhanna Sigurðardóttir forsætisráðherra hafi gerst brotleg við jafnréttislög. Í þessum málum „hafa efndir ekki fylgt orðum hjá þessari ríkisstjórn,“ sagði Þorgerður.- kóp