HM 2011: Angóla - Þýskaland í beinni á Stöð 2 Sport

Ákveðið hefur verið að sýna leik Angóla og Þýskalands í beinni útsendingu á Stöð 2 Sport þar sem um þýðingamikinn leik er að ræða fyrir íslenska landsliðið. Leikurinn hefst klukkan 17.00.

Ísland mætir Kína klukkan 21.30 í kvöld en ef Angóla hefur betur gegn Þýskalandi í kvöld hefur sá leikur enga þýðingu. Ísland verður þá öruggt áfram í 16-liða úrslitin en kæmist þá ekki ofar en í fjórða sæti A-riðils.

Verði það tilfellið mun Ísland mæta heimsmeistaraliði Rússlands í 16-liða úrslitunum á sunnudaginn kemur.

Leikur og Angóla og Þýskalands verður afar athyglisverður þar sem að Þjóðverjar verða einfaldlega að vinna leikinn til að eiga möguleika á sæti í 16-liða úrslitum keppninnar. Angóla hefur þó komið á óvart með góðri frammistöðu í Brasilíu.

Ísland á þó enn möguleika á öðru eða þriðja sæti A-riðils með sigri á Kína og hagstæðum úrslitum í öðrum leikjum, eins og lesa má um hér fyrir neðan.