Bjarni: Málið áfram í ágreiningi

„Þetta mál snýst ekki um Sjálfstæðisflokkinn og það snýst ekki um mig,“ segir Bjarni Benediktsson, formaður Sjálfstæðisflokksins við RÚV, spurður um stöðuna eftir að fyrstu tölur birtust í kosningunum. Þær sýna að mikill meirihluti hafi hafnað Icesave lögunum.

Bjarni segir að málið hafi breyst mikið á undanförnum mánuðum, frá því að vera algjörlega óásættanlegt fyrir íslenska þjóð. En þó að niðurstöður þjóðaratkvæðagreiðslunnar í fyrra hafi verið mjög eindregnar þá hafi mikill meirihluti þjóðarinnar viljað semja á ný.

Bjarni sagðist hafa lagt á það áherslu að þjóðin fengi að eiga síðasta orðið í þessu máli. Eftir þjóðaratkvæðagreiðsluna væri ljóst að málið yrði áfram í ágreiningi. „Það er niðurstaða sem þjóðin vill og henni mun ég fylgja,“ sagði Bjarni