Handbolti

Við hvað starfa stelpurnar okkar?

Sigurður Elvar Þórólfsson í Santos skrifar
Í útlöndum að spila handbolta 1. Harpa Eyjólfsdóttir, 24 ára skytta, leikmaður með Spårvägens í Svíþjóð. 2. Rut Jónsdóttir, 21 árs skytta, leikmaður hjá Team Tvis Holstebro í Danmörku. 3. Þórey Rósa Stefánsdóttir, 22 ára hornamaður, leikmaður hjá Team Tvis Holstebro í Danmörku. 4. Arna Sif Pálsdóttir, 23 ára línumaður, leikmaður hjá Aalborg í Danmörku. 5. Karen Knútsdóttir, 21 árs leikstjórnandi, leikmaður hjá HSB Bomberg Lippe í Þýskalandi.
Í útlöndum að spila handbolta 1. Harpa Eyjólfsdóttir, 24 ára skytta, leikmaður með Spårvägens í Svíþjóð. 2. Rut Jónsdóttir, 21 árs skytta, leikmaður hjá Team Tvis Holstebro í Danmörku. 3. Þórey Rósa Stefánsdóttir, 22 ára hornamaður, leikmaður hjá Team Tvis Holstebro í Danmörku. 4. Arna Sif Pálsdóttir, 23 ára línumaður, leikmaður hjá Aalborg í Danmörku. 5. Karen Knútsdóttir, 21 árs leikstjórnandi, leikmaður hjá HSB Bomberg Lippe í Þýskalandi.
Á vinnumarkaði og í atvinnuleit 1. Hanna Guðrún Stefánsdóttir, 32 ára hornamaður, starfar hjá fyrirtækinu Bros. 2. Dagný Skúladóttir, 31 árs hornamaður, starfsmaður hjá Icelandair. 3. Guðný Jenný Ásmundsdóttir, 29 ára markvörður hjá Val, í atvinnuleit. 4. Hrafnhildur Skúladóttir, 34 ára skytta, umsjónarkennari í 4. bekk í Hofsstaðaskóla í Garðabæ. 5. Ragnhildur Rósa Guðmundsdóttir, 27 ára leikstjórnandi, starfsmaður Puma-umboðsins. 6. Anna Úrsúla Guðmundsdóttir, 26 ára línumaður, starfsmaður hjá Eimskip.
Stelpurnar okkar í íslenska handboltalandsliðinu á HM hafa fæstar atvinnu af því að spila handbolta. Fimm leikmenn af alls sextán í landsliðshópnum leika með liðum erlendis og 11 leikmenn eru við nám og störf á Íslandi. Reyndar er einn leikmaður í atvinnuleit eins og komið hefur margoft fram.

Íslenska liðið er frekar ungt og tveir leikmenn hafa ekki náð tvítugsaldri og eru enn í framhaldsskóla.

Ýmis störf
á skólabekk 1. Þorgerður Anna Atladóttir, 19 ára skytta, nemi í Fjölbrautaskólanum í Garðabæ. 2. Stella Sigurðardóttir, 21 árs skytta, í viðskiptafræðinámi við Háskóla Íslands. 3. Sunneva Einarsdóttir, 21 árs markvörður hjá Val, á 2. ári í félagsráðgjöf í Háskóla Íslands. 4. Birna Berg Haraldsdóttir, 18 ára skytta, nemi í Flensborgarskóla í Hafnarfirði. 5. Ásta Birna Gunnarsdóttir, 27 ára hornamaður, leikmaður Fram, í meistaranámi í hagfræði við HÍ.
Einn grunnskólakennari er með í för og einn meistaranemi í hagfræði. Anna Úrsúla Guðmundsdóttir vinnur hjá Eimskip og er víst ekki að stjórna krananum við höfnina. Hanna Guðrún Stefánsdóttir starfar hjá fyrirtækinu Bros og nýtir sumarfríið sitt í að spila með Íslandi í Brasilíu. Og svona mætti lengi telja.

Þrír leikmenn eiga börn í íslenska liðinu. Systurnar Hrafnhildur og Dagný Skúladætur eiga tvö börn hvor og markvörðurinn Guðný Jenný Ásmundsdóttir á einnig tvö börn.

Íslenska landsliðið lék í gær við Þjóðverja í næstsíðustu umferð A-riðilsins í Santos. Umfjöllun um leikinn má finna á Vísi og þar verða einnig birt brot úr þætti Þorsteins J. frá Stöð 2 sport.

Mest lesið


Fleiri fréttir

Sjá meira


×

Mest lesið