Ferðavenjur gesta kannaðar

Ferðavenjur viðskiptavina og gesta Landspítalans verða kannaðar næstu daga. Fram kemur í tilkynningu að könnunin sé liður í undirbúningi vegna byggingar nýs Landspítala, en ferðavenjur starfsfólks hafa verið kannaðar.

Könnunin hefst í dag og stendur fram á mánudag í næstu viku. Tveir spyrlar verða við aðalinnganga spítalans, í Fossvogi og við Hringbraut, og eru gestir beðnir um að gefa sér tíma og svara spurningum. Könnunin er unnin í samstarfi við Háskóla Íslands og Maskínuna ehf.- sv