Áfram siglt til Þorlákshafnar

Herjólfur heldur áfram að sigla til Þorlákshafnar að minnsta kosti fram í næstu viku. Tekin verður ákvörðun um breytingar á siglingaleiðinni næsta mánudag. Þetta kemur fram á vef Eyjafrétta.

Skipið hefur siglt til Þorlákshafnar frá því það kom úr slipp í byrjun mánaðarins. Dýpi Landeyjahafnar er ekki nægilega mikið fyrir skipið sem stendur.

Dæluskipið Skandia hefur verið við Landeyjahöfn síðustu daga og er unnið að því að opna höfnina fyrir Herjólfi sem fyrst. - þeb