Fleiri um göngin en Óshlíðina

828 bílar hafa farið um Bolungarvíkurgöngin hvern dag á þessu ári að meðaltali. Þetta kemur fram á vef Vegagerðarinnar.

Umferðin um göngin er tveimur prósentum meiri en um Óshlíðarveg á sama tímabili í fyrra, áður en göngin voru opnuð.

Umferðin dróst lítillega saman á virkum dögum milli ára, um 0,2 prósent. Hún jókst hins vegar um níu prósent um helgar. Það telur Vegagerðin glöggt merki um að atvinnutengd umferð standi í stað en umferð í einkaerindum og umferð ferðamanna fari vaxandi. - þeb