Umfjöllun: Markalaust í Garðabænum

Leik Stjörnunnar og Víkings í 2. umferð Pepsi-deildar karla lauk með 0-0 jafntefli í Garðabænum í dag. Víkingar tylla sér með þessu á toppinn en Stjörnumenn ná fyrsta stigi sumarsins.

Víkingsmenn unnu nýliðaslag í síðustu umferð þegar þeir unnu Þór heima 2-0 en Stjörnumenn töpuðu 4-2 í Keflavík.

Fyrstu mínútur leiksins voru gríðarlega spennandi, Helgi Sigurðsson fékk dauðafæri á 4. mínútu eftir aukaspyrnu Sigurðs Egils Lárussonar en hann setti boltann yfir markið. Stjörnumenn brunuðu beint upp í sókn eftir það og bjargaði Egill Atlason á línu fyrir Víkingsmenn strax í næstu sókn.

Fjörið hélt áfram. Halldór Orri Björnsson, leikmaður Stjörnunnar nýtti sér varnarmistök Mark Rutgers og stakk sér inn fyrir vörn Víkings en Magnús Þormar í marki Víkings varði vel. Mark Rutgers bætti þó næstum upp fyrir mistökin nokkrum mínútum síðar þegar hann átti þrumuskot í slá eftir fyrirgjöf Sigurðs Egils. Eftir þetta róaðist leikurinn til muna og flautaði Þóroddur Hjaltalín til hálfleiks í stöðunni 0-0.

Seinni hálfleikurinn var hinsvegar afar bragðdaufur, aðeins kom eitt færi þegar hinn 16 ára leikmaður Víkings, Aron Elís Þrándsson slapp í gegn um vörn Stjörnunnar eftir mistök en hann renndi boltanum framhjá.

Hvorugt liðið ógnaði af alvöru það sem eftir er og lauk leiknum því með 0-0 jafntefli. Stjörnumenn spiluðu betur í þessum leik en vörn Víkings stóð allt vel af sér og héldu hreinu annan leikinn í röð. Víkingsmenn fengu betri færi en það kom lítið út úr spili þeirra í dag.

Stjarnan-Víkingur 0-0 - tölfræðin í leiknumÁhorfendur: 823

Dómari: Þóroddur Hjaltalín 7

Skot (á mark): 13 - 7( 4- 2 )

Varin skot: Magnús Karl Pétursson 2 – Magnús Þormar 3

Horn: 12 - 1

Aukaspyrnur fengnar: 26 - 12

Rangstöður: 1 -7

Stjarnan (4-2-3-1)

Magnús Karl Pétursson 5

Jóhann Laxdal 6

Daníel Laxdal 7

Nikolaj Hagelskjaer Pedersen 7

Hafsteinn Rúnar Helgason 6

Björn Pálsson 6

(69. Jesper Holdt Jensen 4)

Þorvaldur Árnason 5

Víðir Þorvarðsson 4

(61. Aron Grétar Jafetsson 6)

Halldór Orri Björnsson 6

Hörður Árnason 5

(81. Grétar Atli Grétarsson )

Garðar Jóhannsson 4

Víkingur (4-2-3-1)

Magnús Þormar 6

Walter Hjaltested 6

Egill Atlason 7 - Maður leiksins -

Mark Rutgers 6

Hörður Sigurjón Bjarnason 5

Halldór Smári Sigurðsson 6

Denis Abdulahi 5

Baldur Ingimar Aðalsteinsson 5

(87. Gunnar Helgi Steindórsson)

Sigurður Egill Lárusson 6

(87. Kjartan Dige Baldursson)

Pétur Georg Markan 4

(45. Aron Elís Þrándarson 6)

Helgi Sigurðsson 4