Brad vildi stóra fjölskyldu

Þegar leikarinn Brad Pitt var lítill drengur vildi hann eignast stóra fjölskyldu þegar hann yrði eldri.

„Vinur minn átti stóra fjölskyldu þegar ég var lítill. Ég hafði gaman af látunum í kringum morgunverðarborðið, öllum slagsmálunum og þegar mamman eða pabbinn bökuðu pönnukökur handa öllum," sagði Pitt.

„Ég ákvað þá að ef ég myndi eignast fjölskyldu sjálfur þá myndi ég fara þessa leið." Pitt, sem er 47 ára, á nú sex börn með leikkonunni Angelina Jolie, eða þau Maddox, Zahara, Shiloh, Pax og tvíburana Knox og Vivienne.

„Ég veit að þetta virkar öfgafullt út á við en ég hef alltaf verið svona. Þegar ég er viss um hlutina er ég bara viss. Af hverju að bíða?"

Hann vonast einnig til að leika aftur á móti Jolie í kvikmynd en síðast léku þau saman í grínhasarnum Mr and Mrs Smith. Ástæðan er sú að þá geta þau eytt meiri tíma saman með börnunum sínum.