Útgáfutónleikar á Kex

Hljómsveitin Low Roar, með tónlistarmanninn Ryan Karazija í broddi fylkingar, fagnar útkomu fyrstu breiðskífu sinnar með útgáfutónleikum á Kex hostel í kvöld. Low Roar mun flytja lög af samnefndri plötunni og leynigestir munu einnig taka lagið fyrir tónleikagesti.

Plötunni hefur verið vel tekið, og hefur í nokkrar vikur setið í efsta sæti á lista Gogoyoko yfir mest seldu plötur síðunnar. Auk þess var hún nýlega valin ein af bestu plötum ársins af dómnefnd síðunnar.

Tónleikarnir hefjast klukkan 20 og aðgangur er ókeypis.