Brynjar Þór og félagar unnu botnliðið

Brynjar Þór Björnsson skoraði sjö stig þegar að lið hans, Jämtland, vann þægilegan sigur á botnliði Örebro í sænsku úrvalsdeildinni í körfubolta, 97-79.

Örebro er enn stigalaust á botni deildarinnar og eftir nokkuð jafnan fyrri hálfleik tóku leikmenn Jämtland völdin í þeim síðari.

Brynjar Þór spilaði í alls 22 mínútur í leiknum, skoraði sjö stig, gaf fimm stoðsendingar og stal boltanum tvívegis.

Jämtland komst með sigrinum úr fallsæti. Liðið situr nú í áttunda sæti með tólf stig.