Viðskipti erlent

Fiskneysla hefur aldrei verið meiri í heiminum

Ný skýrsla frá Matvælastofnun Sameinuðu þjóðanna sýnir að fiskneysla hefur aldrei verið meiri meðal íbúa heimsins en nú.

Skýrslan sem byggir á tölulegum upplýsingum frá árinu 2009 sýnir að hver jarðarbúi borðar nú að meðaltali 17 kíló af fiski á hverju ári. Með fiskneyslunni fær hann um 16% af þörfum sínum fyrir prótein úr dýrum.

Útgerðir og fiskeldisstöðvar sáu heiminum fyrir um 145 milljónum tonna af fiski árið 2009. Kínverjar eru orðnir stærstir í fiskvinnslu í heiminum en þaðan koma 47,5 milljónir tonna af fiski árlega. Megnið af því er úr fiskeldisstöðvum eða 32,7 milljón tonn.

Samkvæmt skýrslunni mun fiskeldi leggja til sífellt stærra hlutfall af fiskframboði heimsins á komandi árum.

Slæmu fréttirnir hinsvegar eru að engin breyting hefur orðið á ástandi fiskistofna síðustu árin. Enn er um 32% af öllum fiskistofnum heimsins í útrýmingarhættu. Þetta er mikið áhyggjuefni að mati skýrsluhöfunda sem segja að rányrkju á fiskimiðum verði að stöðva.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×