Viðskipti erlent

Vogunarsjóður telur Danmörku á barmi íslensks bankahruns

Bandaríski vogunarsjóðurinn Luxor telur að Danmörk rambi á barmi íslensks bankahruns.

Danmörk gæti orðið næsta Ísland eða Írland vegna gífurlegra útlána dönsku bankanna. Luxor hefur varað fjárfesta við þessu og jafnframt varar hann á þá við því að fjárfesta í hlutabréfum Danske Bank. Hinsvegar sé rakinn hagnaður í því að skortselja bankann.

Þetta kemur fram á vefsíðunni Valuewalk sem veitir bandarískum fjárfestum þjónustu. Þar kemur fram að stærð bankakerfis Danmerkur sé komið úr öllum tengslum við stærð danska hagkerfisins eins og gerðist með íslensku bankana á síðustu árunum fyrir hrunið haustið 2008.

Fram kemur hjá Luxor að stærð danska bankakerfisins sé nú rúmlega 450% af landsframleiðslu landsins. Til samanburðar megi nefna að stærð bandaríska bankakerfisins er aðeins 90% af landsframleiðslu Bandaríkjanna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.