Viðskipti innlent

Héðinsfjarðargöng fóru langt fram úr áætlun

Það var mikið um dýrðir þegar Héðinsfjarðargöng voru opnuð. Kostnaður við þau fór langt fram úr áætlunum.
Það var mikið um dýrðir þegar Héðinsfjarðargöng voru opnuð. Kostnaður við þau fór langt fram úr áætlunum.
Héðinsfjárðargöng kostuðu tæplega 16 milljarða, 17% meira en áætlað var. Þetta kemur fram á vef Vegerðar ríkisins.



Kostnaðurinn skýrist fyrst og fremst vegna aukins kostnaðar vegna vatns í Ólafsfjarðarhluta ganganna.



„Efnahagshrunið sem varð hér árið 2008 hjálpaði heldur ekki til,“ segir í fréttinni á vef Vegargerðarinnar.



Enn fremur segir í fréttinni að kostnaður við Bolungarvíkurgöng hafi staðist áætlun nokkuð nákvæmlega.



Orðrétt segir í fréttinni á vef Vegargerðarinnar:



„Í umræðu um kostnað við gangagerð, nú síðast á opnum nefndarfundi umhverfis- og samgöngunefndar Alþingis, hefur því ranglega verið haldið fram að umframkostnaður við þessi göng hlaupi á jafnvel 80-90 prósentum. Því fer fjarri.



Líklega hefur þetta komist inn í umræðuna með því að menn hafi tekið upphaflegu áætlunina og látið vera að umreikna hana til verðlags og borið síðan saman við endanlegan kostnað á allt öðru verðlagi.



Í verksamningum vegna byggingar ganganna eru ákvæði um að verkin séu verðbætt miðað við þróun byggingarvísitölunnar, líkt og gert er í öllum stærri verksamningum.



Uppreiknaður kostnaður við Héðinsfjarðargöng til verðlags í dag nemur 15.490 millj. kr. Áætlunin var á sínum tíma (2006) 7.500 millj. kr og uppreiknuð til sama verðlags reynist hún 13.220 millj. kr. Þannig er kostnaður umfram áætlun 17,2 prósent. Byggingarvísitalan var 316,7 stig í janúar 2006 þegar áætlunin var gerð en er nú í nóvember 2011 558,2 stig.



Sé kostnaður við Bolungarvíkurgöng uppreiknaður á sama hátt þá reynist hann 7.460 millj. kr. Áætlunin á sínum tíma (2007) hljóðaði upp á 5.070 millj. kr og umreiknað til verðlags í dag reynist áætlunin því vera 7.510 millj. kr eða nánast það sama og raunkostnaðurinn. Reyndar lægri ef eitthvað er. Byggingarvísitalan var 367,7 stig í nóvember 2007 þegar áætlunin var gerð en er nú nóvember 2011 558,2 stig.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
7,4
56
183.248
ORIGO
5,32
19
275.503
SJOVA
4,81
22
313.865
TM
3,3
11
132.865
SIMINN
3,27
19
239.725

Mesta lækkun dagsins


Félag
Br.%
Fjöldi
Velta*
EIM
0
4
878
ICEAIR
0
21
14.694
FESTI
0
6
104.486
REITIR
0
10
37.738
EIK
0
4
27.280
Velkomin á Vísi. Þessi vefur notar vafrakökur. Sjá nánar.