Íslendingar keppa um Bermúdaskálina

Landslið Íslands í Bridge mun keppa á ný um Bermúdaskálina eftirsóttu eða heimsmeistaratitilinn í veitakeppni í bridge í ár. Tuttugu ár eru síðan að íslenska liðið hreppti titilinn eftirsótta.

Það var hinn 11.október 1991 sem íslenskir bridgespilarar stóðu á efsta palli og hömpuðu þessum æðstu verðlaunum sem keppt er um í bridge. Afrekið vakti mikla athygli og tók þáverandi forsætisráðherra, Davíð Oddsson, á móti landsliðinu við hátíðlega athöfn í Leifsstöð. 

Nú hefur landslið Íslands í bridge unnið sér á ný rétt til þátttöku  í úrslitakeppni heimsmeistaramótsins og hefur því möguleika á að vinna Bermudaskálina á nýjan leik. Í þetta skiptið fer heimsmeistaramótið fram í Veldhoven í Hollandi, rétt fyrir utan Eindhoven.  Mótið hefst 15. október.