Norðmenn og Tékkar tryggðu sér sæti á EM í Serbíu

Norðmenn tryggðu sér sæti í úrslitum Evrópumeistaramótsins í handbolta á næsta ári með öruggum 31-25 sigri á heimavelli gegn Grikkjum í gær. Robert Hedin þjálfari norska karlalandsliðsins leyfði ungum og lítt reyndum landsliðsmönnum að spreyta sig í leiknum þar sem að Norðmenn voru búnir að tryggja sig inn á mótið. Andre Lindboe var markahæstur í liði Noregs með 9 mörk.

Norðmenn unnu fimm af sex leikjum sínum í riðlinum, Tékkar fylgja Norðmönnum á EM sem fram fer í Serbíu í janúar á næsta ári.