Danir, Norðmenn og Svíar til Serbíu

Frændur okkar Danir, Norðmenn og Svíar tryggðu sér farseðilinn á lokakeppni Evrópumótsins í handknattleik. Þjóðirnar unnu leiki sína í undankeppninni í gær. Íslandi dugar sigur gegn Austurríki í leik liðanna á sunnudag til þess að komast áfram.

Auk Norðurlandaþjóðanna þriggja eiga sex aðrar þjóðir tryggt sæti. Rússland og Þýskaland, sem unnu leiki sína í gær auk Ungverjalands og Króatíu sem voru fyrstu þjóðirnar til þess að komast áfram.

Gestgjafarnir frá Serbíu fá sjálfkrafa sæti í lokakeppninni auk ríkjandi Evrópumeistara Frakka. Lokakeppnin fer fram í janúar 2012.