Viðskipti innlent

Wessman mun áfrýja - óttast að Novator fari í þrot á meðan

Róbert Wessman og hans menn óttast að Novator fari í þrot áður en efnisleg niðurstaða fæst í málið.
Róbert Wessman og hans menn óttast að Novator fari í þrot áður en efnisleg niðurstaða fæst í málið.
„ Þetta er náttúrulega engin efnisdómur um kröfuna og verður úrskurðinum áfrýjað til Hæstaréttar,“ segir lögmaður Róberts Wessman, Árni Harðarson, um frávísunarúrskurð Héraðsdóms Reykjavíkur sem féll í dag. Róbert höfðaði mál gegn félögum Björgólfs Thors Björgólfssonar, Novator Pharma Holding, sem er skrásett á Tortóla, og Novator Pharma í ágúst á síðasta ári.



Ástæðan var sú að hann taldi sig eiga inni 30  milljónir evra, eða um 4,6 milljarða króna, vegna árangurstengdrar þóknunar. En Róbert var forstjóri Actavis, áður Delta, í tæp tíu ár.



„Hins vegar féllst Héraðsdómur á að kröfugerðin í málinu, sem byggir að hluta til á fjárhagskennitölum (EV/EBITDA gildum) Actavis, þyrfti að vera skýrari, en hún byggði að hluta til á áætlunum sem síðan gengu eftir og voru staðfestar í ársreikningi.  Ástæða þess var að Róbert hafði á þeim tíma er stefnt var ekki aðgang að nýjasta ársreikningi Actavis en hann var síðan lagður fram í málinu,“ útskýrir Árni um ástæður þess að dómurinn féllst á kröfu félaganna.



„Ef Hæstiréttur staðfestir þennan frávísunarúrskurð þarf einfaldlega að stefna málinu aftur byggt á ársreikningnum til fá dóm fyrir kröfunni,“ segir Árni og því ljóst að málinu er hvergi lokið.



Hann bætir svo við að lokum: „Það er vont að missa þennan tíma þar sem við óttumst að Novator, félag Björgólfs sem stefnt var í málinu, fari í þrot áður en við fáum efnisdóm þar sem búið er að færa eignarhaldið á Actavis í annað félag í hans eigu.“

Tengd skjöl


Tengdar fréttir

Björgólfur hafði betur: Máli Wessman vísað frá dómi

Dómari Héraðsdóms Reykjavíkur féllst á frávísunarkröfu Novator í dag í skuldamáli sem athafnamaðurinn Róbert Wessmann höfðaði gegn fyrirtækinu, sem er í eigu Björgólfs Thors Björgólfssonar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICESEA
1,03
2
9.996
SKEL
0,82
1
21.575
HAGA
0,75
2
123.970
ICEAIR
0,71
10
4.372
VIS
0,53
9
205.067

Mesta lækkun dagsins


Félag
Br.%
Fjöldi
Velta*
REITIR
-1,64
3
13.459
EIM
-1,42
5
12.627
ARION
-0,55
7
161.481
LEQ
-0,3
1
29.830
MAREL
0
4
35.316
Velkomin á Vísi. Þessi vefur notar vafrakökur. Sjá nánar.