Gunnar Steinn ekki í úrslitaleikinn

Gunnar Steinn Jónsson komst ekki annað árið í röð í úrslitaleik sænsku úrvalsdeildarinnar en lið hans, Drott, var sópað úr undanúrslitum úrslitakeppninnar í dag.

Sävehof vann tíu marka sigur á Drott í dag, 34-24, í þriðja leik liðanna í undanúrslitum. Sävehof vann þar með rimmu liðanna 3-0 og mætir annað hvort Alingsås eða Guif í úrslitaleiknum.

Staðan í þeirri rimmu er 1-1 en úrslitaleikurinn fer fram í Scandinavium í Svíþjóð þann 7. maí næstkomandi.

Gunnar Steinn Jónsson skoraði þrjú mörk fyrir Drott í dag.

Drott komst í úrslitaleik sænsku úrvalsdeildarinnar í fyrra en tapaði þá einmitt fyrir Sävehof í æsispennandi leik, 30-28.

Kristján Andrésson er þjálfari Guif og bróðir hans, Haukur, leikur með liðinu.